Home Rəsmi xronika Mərkəzləşdirilmiş elektron informasiya sistemi yaradılır – FƏRMAN

Mərkəzləşdirilmiş elektron informasiya sistemi yaradılır – FƏRMAN

82
0
SHARE

Ölkə prezidenti İlham Əliyev Əmək, məşğulluq, sosial müdafiə və sosial təminat sahələrində elektron xidmətlərin tətbiqinin genişləndirilməsi haqqında fərman verib.

MEDİAKTİV.AZ-ın xəbərinə görə, fərmana əsasən, Əmək və Əhalinin Sosial Müdafiəsi Nazirliyinin informasiya sistemləri əsasında “Mərkəzləşdirilmiş elektron informasiya sistemi” (bundan sonra – MEİS) yaradılması qərara alınıb.

Qeyd olunub ki, Əmək və Əhalinin Sosial Müdafiəsi Nazirliyinin fəaliyyət istiqamətləri üzrə əhaliyə göstərilən xidmətlərin vahid platforma üzərindən elektron formada təqdim edilməsi məqsədi ilə “e-sosial” internet portalının (bundan sonra – Portal) üç ay müddətində yaradılması təmin ediləcək.

Həmçinin, məşğulluq tədbirləri ilə bağlı xidmətlərin elektron şəkildə həyata keçirilməsi məqsədi ilə MEİS-də məşğulluq altsisteminin altı ay müddətində yaradılması təmin ediləcək.

Bununla yanaşı, portal vasitəsilə aparılan əməliyyatların və fərdi məlumatların təhlükəsizliyini təmin etmək məqsədilə Azərbaycan Respublikasının Xüsusi Dövlət Mühafizə Xidməti ilə birlikdə tədbirlər görüləcək.

Həmçinin qeyd olunur ki, Ədliyyə Nazirliyi, Maliyyə Nazirliyi və Prezident yanında Vətəndaşlara Xidmət və Sosial İnnovasiyalar üzrə Dövlət Agentliyi ilə razılaşdırmaqla üç ay müddətində MEİS haqqında əsasnamənin layihəsini hazırlayıb Azərbaycan prezidentinə təqdim etməlidir.

LEAVE A REPLY

Please enter your comment!
Please enter your name here